"Një histori dashurie me rock & roll" është romani i parë i Enriko Bricit. Vetëm në Itali, libri është shitur në mbi 2,5 milionë kopje dhe është përkthyer në më shumë se 20 gjuhë të botës.

Mbi këtë libër janë bazuar edhe dy filma italianë, njëri, serial i prodhuar nga RAI dhe tjetri, një film i regjisores Enca Negroni, ku Aleksi, personazhi kryesor i librit, interpretohet nga Stefano Akorsi (Stefano Accorsi), një nga aktorët italianë bashkëkohorë më të pëlqyer nga të rinjtë. Romani pati një sukses të madh në Itali, sepse gjuha dhe stili i shpenguar i tij goditi zemrën e mijëra adoleshentëve, të cilët ndiheshin të papërkrahur nga familjet apo rrethi i tyre shoqëror. Për ironi, suksesi i romanit e ktheu atë në një vegël të sistemit që donte të luftonte, pasi ai u konsiderua dhe vazhdon të konsiderohet edhe sot e kësaj dite, në shumë shkolla të mesme italiane, si shembull bashkëkohor i një stili letrar të veçantë.

Viti: 2011

Faqe: 176

Autori: Enriko Brizzi