Intervista e shkrimtarit dhe kritikut të njohur francez, Eric Faye, me Ismail Kadarenë, që botohet në këtë libër, është unikale në llojin e vet, ngaqë është kryer në tri kohë, krejtësisht të ndryshme. Pjesa e pare e saj është regjistruar në Tiranë, në prill të vitit 1990, kur Shqipëria ishte ende një diktaturë komuniste. Pjesa e dytë e bisedës është zhvilluar në Paris në mesin e dytë të tetori të po atij viti, kur Ismail Kadare, ndonëse kishte vendosur të linte Shqipërinë, ende nuk e kishte shpallur vendimin e tij dhe Eric Faye nuk kishte asnjë dijeni për këtë. Pjesa e fundit përfshin bisedën e bërë disa muaj më pas, kur gjithçka ka qënë bërë e njohur. Ajo që bie në sy në të trija bisedat është koherenca e mendimit dhe e stilit të të shprehurit, gjë që jep përshtypjen sikur është e njëjta kohë, jashtë ndryshimeve dhe trysnive politike. Bisedat, të përmbledhura në një letër, janë botuar nga shtëpia botuese franceze "Jose Corti" më 1991. Libri është përkthyer e botuar në disa vende.          -Viti I botimit: 2006      -Faqe:120   - Autori:Eric Faye